Hlið við hlið, gamansöngleikur með lögum Frikka Dórs eins og “Í síðasta skipti”, “Segðu mér”, “Ekki stinga mig af” og “Dönsum eins og hálfvitar” var endurfrumsýndur sumarið 2024, en sýningin fjallar um borgarstrákinn Dag sem fær sumarvinnu á sveitahóteli úti á landi þar sem allt hefur verið eins í áraraðir og enginn í starfsmannahópnum virðist vera eðlilegur. 

Grímur hótelstjóri rígheldur í stjórntaumana sem enginn starfsmaður tekur alvarlega. Eva dóttir hans er búinn að missa allan áhuga á að búa á hóteli pabba síns með kærastanum sínum og duglegasta starfsmanni hótelsins, Hvata, sem myndi allt fyrir Evu og hótelið gera og vill alls ekki missa hana úr örmum sér. Grjóni, barþjónninn, daðrar við allt sem hreyfist og virðist alltaf vera að plotta eitthvað. Svo er hin klaufska Halla móttökustjóri er að springa úr vonlausri ást á fattlausa kokkinum Rikka sem virðist ekki einu sinni átta sig á því að Halla sé kona. Þegar Dagur bætist í þennan sérkennilega starfsmannahóp er eins og snjóbolti rúllar af stað sem þrýstir öllum þessum fjölskyldutengslum, ástarsamböndum og vinsköpum hótelsins að þolmörkunum.

Í þessari stórkostlegu sýningu leggjast allir á eitt til að sprengja út lögum Friðriks Dórs með því að segja þessa hugljúfu sögu. Falleg, skemmtileg og fyndin stórsýning sem allir hafa gaman af!