Söngleikur fyrir yngstu börnin

Hin fimm ára Melkorka getur ekki beðið eftir því að byrja í skóla, það eina sem stendur í vegi fyrir henni er að hún kann enn ekki að lesa. Þarf maður ekki annars að vera búinn að læra það áður en skólinn hefst? En þegar ofurhetjan Súperman birtist óvænt og lofar henni að fá uppfylltar þrjár óskir hefst fjörið. Saman halda þau á vit ævintýranna og kynnast skrautlegum persónum sem kenna þeim ýmislegt um lífið. Hér er á ferðinni fjörug ný barnasýning með frumsömdum lögum eftir JóaPé og Króla og leikhópinn, tilvalin fyrir öll börn og fjölskyldur þeirra.

Sýningin er með afslöppuðu móti, þ.e. ljós og hljóðtækni eru í lágmarki, og hentar því vel fyrir unga leikhúsgesti.